എന്നിലെ വിരഹം

                                         

 മുഹമ്മദ് റമീസ് ക്ലാസ്സ് 11 കൊമേഴ്സ്

വിരഹത്താൽ നിറയുന്ന മനസ്സിന്റെ കോണിലായ്

മോഹത്താൽ നിറയുമൊരു കൂടൊന്നു കൂട്ടി നീ..

വെണ്ണിലാവാകുന്നൊരിളനീർക്കുടം തെന്നി-

മായുന്നതും കണ്ട് ഞാനിരുന്നു

ചെമ്പനീർപ്പൂവിന്റെ മൃദുദലങ്ങൾ മെല്ലെ

വിടരുമെന്നൊരുമാത്രയോർത്തുപോയി.

സ്വപ്നങ്ങളൊക്കെയും സത്യമായ് തീരുകിൽ

പൂർണ്ണമായ് വിരിയുമൊരു തമരമൊട്ടു ഞാൻ

പൂനിലാപ്പുഞ്ചിരി തൂകുന്ന മുഖവുമായ്

എന്നിൽ നീയെന്നും ഒളിച്ചിരുന്നു

നിന്റെ മിഴിനാളമെൻ മനസ്സിന്റെ ഉള്ളിൽ

ഒരമ്പിയാർവട്ടം പോൽ പൂത്തു നിന്നു.

അഴകിന്റെ റാണിയായ് കാണുന്നു നിന്നെ ഞാൻ

വിലമതിക്കാത്തോരു നിധിയാണു നീ..

ഉണരുമെൻ മനസ്സിലെ മോഹങ്ങളൊക്കെയും

യാഥാർഥ്യമായിന്നു തീർന്നുവെങ്കിൽ

എന്നുള്ളിലാളുമീ തുച്ഛമാ മോഹത്തിൻ

ജ്വാലകൾ നീ വന്നണയ്ക്കുകില്ലേ